Горад Брэст – сталы і актыўны ўдзельнік Еўрапейскага тыдня мабільнасці.

Сёння ў горадзе існуе развітая сетка веладарожак (больш за 55 км), як у выглядзе асобных плоскасных збудаванняў, гэтак і ў выглядзе вылучаных зон са складу ходнікаў. Таксама ёсць 10 пунктаў пракату ровараў і больш за 300 ровараў роварнага шэрынгу  «Колобайк».

Пры падрыхтоўцы архітэктурна-планіровачных заданняў заказчыкам (забудоўшчыкам) абавязкова ўказваецца на неабходнасць уладкавання ў складзе праекта велапарковак. Пры праектаванні і будаўніцтве жылых мікрараёнаў прадугледжваецца наяўнасць закрытых месцаў захоўвання ровараў для жыхароў шматкватэрных дамоў. 7 ліпеня 2020 года была прынята канцэпцыя развіцця веласіпеднага руху ў г. Брэсце.

У рамках праекта «Гарадскі веларух у Беларусі», падтрыманага Еўрапейскім Звязам, у 2019 годзе ў горадзе была ўладкавана ўнікальная экалагічная сцежка «Дарога жыцця», працягласцю больш за 5 км, якая дае магчымасць развіваць у горадзе экалагічны велатурызм. У 2021 годзе плануецца стварэнне новых турыстычных роварных маршрутаў.

У Брэсце створана анлайн карта, якая ўтрымвае большасць аб’ектаў велаінфраструктуры Брэста: https://www.google.com/maps/d/viewer?mid=1KR-_bHC1QIbBnVY-qwP6-zhS0OFRP5vw&ll=52.08305872813242%2C23.770621323214083&z=12

Posted in Городская мобильность, Европейская неделя мобильности.